عاونوها بل UP، بالدم، بالفلوس حتى كلموها و طلعولها المورال عاونوها بلي تقدرو..

عاونوها بل UP، بالدم، بالفلوس حتى كلموها و طلعولها المورال عاونوها بلي تقدرو..


الأربعاء 09 ديسمبر 2020 20:02
عاونوها بل UP، بالدم، بالفلوس حتى كلموها و طلعولها المورال عاونوها بلي تقدرو..
ريم زبيّر 15 سنة تقرا في معهد فرحات حشاد رادس و تلعب volley مع النجم الرادسي.. نهار الاثنين 8 ديسمبر كان اخيب نهار ليها ولينا.. كانت مراوحة كالعادة مع 18h كملت قرايتها بش تاخو ال train الي وقت هذاكا ديما معبي و المشكلة الي la gare متاع معهد رادس مافيهاش ضوء و ديما ايصيرو فيها براكاجات للتلامذة و للعباد الي تمشي للمستوصف الي هو بحذا ال lycée هذا مش موضوعنا.. ال train ديما في وقت هذاكا معبي تبدا بيبان متاعو الكل محلولة المشكلة الي بعد 18h معادش ياقف حتى train في محطة هذيكا معناها لازم تراوح فيه ولا تراوح 4 كلم على سقيها في البرد و الطباعي.. اوقف ال train تلقا البيبان محلولة كالعادة معبية بالعباد يستناو شكون بش يهبط بش اينجمو يطلعو هوما.. السيد الي ايسوق في train معناها لازم يبدا فيبالو بيها الي المحطة معبية بالتلامذة و train معبي لازم ياقف دقيقة زايدة بش كل واحد ايشد بلاصتو و يطلعو الكل.. السيد طلع مزروب و دوب ماوقف لا شاف في les cameras الي قدامو و لا طل شافهم طلعو ولا لا خرج طول و لعباد مازالت واقفين اوراء بعضهم بش يطلعو.. ال train خرج و ريم تلقى سقيها بين هواء و فضاء و طيح اللوطا تحت ال train و قعد يمشي و لعباد الي اوراها ماهم فاهمين شي الي ايصيح و الي داخت و الي قعد شادد ريم من ايديها بش ماتهبطش الكلها تحت ال train و السيد الي ايسوق يسمع في صياح و مازات يمشي لين جبدو ال signal بش فهم الي صارت كارثة.. ال train اوقف و جبدو ريم لقاو سقيها تقصّت التلامذة الي حاضريت ثما فيهم الي داخ الي يبكي الي ايصيح الي هرب يجري شافو حاجة بش تقعدلهم في مخاخهم حياتهم الكل تزيدو تكارهو فيهم في البلاد ملي هوما صغار.. هزوها للصبيطار عملت عملية و اليوم فاقت من عملية الطفلة تاعبة برشا في مخها و اختها التوئم الي صار كل شي قدامها زادا هي دخلت في هستيريا و ريم بش تعيش بلاش سقين حياتها الكل و الي حضرو على الحادثة بش تبقالهم خايبة و ديما يتذاكروها و كرهتوهم فيها ريحت البلاد..
الطفلة مستحقتنا في الدم و مستحقتنا في فلوس العملية و مستحقتنا بش نكالموها و نطالعولها المورال بالكلمة الباهية و كان لزم نمشيو نزوروها تفهم الي تونس فيها رجال و نساء و ماهيش بش تقعد وحدها و ماهيش بش توفى الدنيا.. نعاونوها بلي قدر الكل.. بلحق صغرونا و ماشافت شي من دنيا لازم ناقفو معاها امها و بوها مازالو مافهمين شي مصدومين و تعبو في مخاخهم بلحق يستحقوكم لازمهم 20 مليون و دم O+ لبنتهم و كان لزم تكالموهم نعاونوهم بالكلمة الباهية بش نحاولو نراجعوها العايلة قوية الي هي حكاية صعيبة بلاخص اختها الي شافت كل شي قدامها..
الدم O+ الي مستحقينو و كان تحب تعاون بالفلوس كلموهم على
21 570 920
21 808 823
50 444 521
#أقفو_معاها


المزيد من الأخبار



© 2020 ||جرأة.اونلاين || سياسة المحتوى