مكالمة مدحت العدل مع وزير الرياضة و ترشحه لانتخابات الزمالك

مكالمة مدحت العدل مع وزير الرياضة و ترشحه لانتخابات الزمالك


الأحد 13 ديسمبر 2020 00:59
تطرق الكاتب والسيناريست مدحت العدل إلى الوضع الحالي لنادي الزمالك معتبرا هذه الفترة من أصعب الفترات التي مر بها الفريق واضاف قائلا: مش عشان حاجة ومش لأسباب شخصية عشان حد، إحنا شايفين إن الفرقة كانت شغالة كويسة وحصدت بطولات زي السوبر المصري والكونفيدرالية .

وعن سؤال الإعلامية لميس الحديدي: فين البطولات إللي أخدها الزمالك، مش كتير؟ ، وذلك في لقاء عبر برنامج كلمة أخيرة على شاشة ON ، كان رده : الكأس ده إحنا بناخده بقالنا خمس سنوات وإنتوا كأهلاوية أول مرة تاخدوه ورا بعض .

وكشف عن أنه يتابع باستمرار تطورات الأزمة وملف النادي مع وزير الشباب والرياضة، ليس فقط على مستوى اللقاء الذي عقد قبل أيام برفقة هاني شاكر، لكنه أكد أنه على اتصال يومي بالوزير.

وتابع: مدة المجلس المؤقت سنة وده كتير لكن أتمنى أن يتم تدارك الأمر سريعاً وإحنا مش هنسيب الزمالك لا أنا ولا عيلتي، لأنه بالنسبة لنا زي أولادنا وأكتر من شغلنا ، كاشفا عن أنه سيترشح في انتخابات نادي الزمالك المقبلة قائلا: سوف أخوض الانتخابات على رئاسة النادي، هانزل الانتخابات الجاية وبدأت أختار القائمة لكن قبل ما أقرر لازم أفهم كل حاجة لأن إدارة النادي مؤسسة وليست شخصا .


المزيد من الأخبار



© 2020 ||جرأة.اونلاين || سياسة المحتوى